Novas | Concello de Lourenzá

OS ALUMNOS DO TALLER DE MEMORIA PARTICIPARON NUNHA FESTA DE NADAL, NA QUE HOUBO REGALOS, CHOCOLATADA E PANXOLIÑAS

Lourenzá, 19 de decembro de 2012. 42 alumnos do taller de memoria do Concello de Lourenzá participaron na festa de Nadal celebrada onte, martes.

No festexo os asistentes repartiron regalos entre eles co sistema do amigo invisible, tomaron chocolatada con roscón, brindaron cunha copa de sidra e cantaron panxoliñas.

No acto participaron a alcaldesa, Emma Álvarez Chao, e a concelleira de Educación, Cultura e Turismo, Lupe Flórez Seivane.

A Concellería de Educación e Cultura promove a creación dun grupo de teatro infantil e xuvenil. O prazo para apuntarse remata a finais deste mes

Lourenzá, 19 de decembro de 2012. A Concellería de Educación e Cultura promove a creación dun grupo de teatro infantil e xuvenil que empezará a ensaiar no vindeiro ano 2013. Poderán participar nenos e rapaces maiores de 7 anos que deberán apuntarse na biblioteca municipal antes de que remate este mes.

Empezaron as obras para renovar o pavimento na Praza César Chavarría e mellorar a accesibilidade á Casa do Concello

Lourenzá, 18 de decembro de 2012. O Concello de Lourenzá iniciou o acondicionamento da praza César Chavarría Pacio, “obras que están incluídas dentro do plan de urbanización da Área de Rehabilitación Integral (ARI) e que se teñen que facer dentro do Pepri”, segundo anunciou a alcaldesa, Emma Álvarez Chao.

As actividades de Nadal programadas polo Concello empezan con obradoiros para os nenos. O prazo para apuntarse está aberto ata o xoves día 20

Lourenzá, 15 de decembro de 2012. A Concellería de Educación, Cultura e Turismo de Lourenzá abriu onte, venres, o prazo para anotarse nos Obradoiros de Nadal que se van a desenvolver nas próximas vacacións escolares.”Este prazo de inscrición ten como obxectivo repartir por idades aos nenos/as participantes para adaptar as actividades ás diferentes idades que poidan confluír”, explicou a concelleira Lupe Flórez.

Os alumnos do curso de albanelería que rematou onte fixeron obras en cemiterios, fontes, barbacoas e no centro escolar

Lourenzá, 14 de decembro de 2012. Os quince alumnos do curso de albanelería, que se levou a cabo en Lourenzá desde o 2 de outubro e que rematou onte, fixeron obras en cemiterios, fontes, barbacoas e no centro escolar.