Novas

Lourenzá, 29 de setembro de 2025. Este ano celebrase a 11ª edición de Vespafaba & Clásicos Lourenzá e, como ven sendo costume, cun formato de dous días, 4 e 5 de outubro.

A programación da XXXIII Festa da Faba de Lourenzá, que se celebrará do venres 3 ao domingo 5 de outubro, inclúe actividades como degustacións e venda de fabas o sábado e o domingo, exposicións e demostracións de artesáns, showcookings, cata de viño, concentración de vehículos clásicos e varias actuacións musicais.

Lourenzá, 5 de setembro de 2025. Pepe Peinó será o pregoeiro da XXXIII Festa da Faba de Lourenzá, evento cuxo cartel é obra de José Manuel García. Os dous participaron nunha presentación xunto á a alcaldesa de Lourenzá, Rocío López; o concelleiro de Cultura, Manuel Arango; e o edil de Medio Rural, Mario Leitón.

Lourenzá, 26 de agosto de 2025. Vilanova de Lourenzá celebra as festas do Conde Santo con diversas actividades desde este xoves, día 28 de agosto, ata o luns 1 de setembro.

Os actos comezarán o xoves 28 ás 19:00 horas coa representación teatral titulada Punto en boca: entre fíos anda o lío, por Raquel Crespo no Multiusos Ponte de Cuñas, onde ás 20:30 horas terá lugar o pregón a cargo de Isidro Rodríguez Loredo, coñecido como O Core.

Lourenzá, 21 de agosto de 2025. A Concellería de Cultura de Lourenzá convoca a sétima edición do Certame de Teatro Concello de Lourenzá, no que poderán participar unicamente compañías ou grupos de teatro afeccionado que superen un proceso previo de selección, admitíndose calquera tipo de xénero e empregando preferentemente a lingua galega en calquera das súas variantes dialectais.

Aprobación das bases “actividades dinamización infantil/conciliación familiar tempo de lecer - Lourenzá Concilia 2025” que se desenvolverán nos meses de xuño, xullo, agosto e setembro de 2025, fora do horario escolar no Concello de Lourenzá, anexas a esta Resolución; así como aprobar o Anexo I (solicitude) e Anexo II (Documentación e Autorizacións). 

Descargar resolución (PDF)

O BOP de Lugo de 26 de maio de 2025 publica a convocatoria para a provisión por concurso-oposición, de funcionario/a interino/a, para substitución por baixa a tempo completo, dun/ha técnico/a superior en electricidade e electrónica, oficios múltiples, maquinista conductor/a.

Os Concellos de Lourenzá, Barreiros e Trabada remitiron unha carta conxunta á Conselleira do Medio Rural, da Xunta de Galicia, para esixir a activación inmediata das axudas prometidas ao sector da faba, comprometidas publicamente o pasado 14 de marzo durante unha reunión en Ribadeo.

Segundo informa a entidade LLEGA700, tralo inicio do servizo de telefonía móbil de nova xeración (4G e 5G) na zona, podían producirse afectacións na recepción da televisión dixital terrestre (TDT).

Descargar bando (PDF)

Esta pasada fin de semana celebrouse o primeiro Gran Premio Faba de Ouro de tiro olímpico, evento organizado por un grupo de laurentinos que se iniciaron recentemente nesta práctica deportiva e que contaron coa colaboración do Concello de Lourenzá.