Novas

Novas do Concello

O XURADO DO III CERTAME DE TEATRO CONCELLO DE LOURENZÁ ELIXIU OS NOMINADOS PARA OS PREMIOS. ENTREGARANSE NA GALA QUE SE CELEBRARÁ O 14 DESTE MES

O xurado do III Certame de Teatro Concello de Lourenzá, formado por Ana María Díaz Díaz, Miguel Gavín Sánchez, Javier Huertas Otero, María Cruz Valea López e presidido polo concelleiro de Cultura, Manuel Arango Ron, deu a coñecer as obras, actrices e actores que optan aos distintos premios que se concederán na gala que se celebrará o día 14 deste mes, sábado, ás 20 horas na carpa situada no Campo dos Bolos. Ao remate da gala o actor Sergio Pazos interpretará o monólogo Rebento se non o conto. A entrada é gratuíta.

Os elixidos son estes:

OS VOCEIROS DOS GRUPOS MUNICIPAIS SOLICITAN QUE A DEPUTACIÓN E A XUNTA MEDIEN NA PROCURA DUN PLAN DE VIABILIDADE PARA MUEBLES HERMIDA

Os voceiros dos tres grupos da corporación municipal de Lourenzá, que son Manuel Arango (PSOE), Francisco Javier Rodríguez (PP) e Enrique Rocha (BNG) asinaron un acordo no que solicitan que a Deputación Provincial de Lugo, a Xunta de Galicia e os grupos parlamentares de PSOE, PP e BNG medien na procura dun plan de viabilidade para a empresa Muebles Hermida, “poñendo por diante a condición irrenunciable do pago dos salarios atrasados”.

O CONCELLO SÚMASE, POR TERCEIRO ANO CONSECUTIVO, Á CAMPAÑA EN NEGRO CONTRA AS VIOLENCIAS CON ACTIVIDADES QUE SE DESENVOLVERÁN ESTE DOMINGO, DÍA 24, NO PAVILLÓN POLIDEPORTIVO MUNICIPAL.

Lourenzá, 20 de novembro de 2019. O Concello de Lourenzá súmase, por terceiro ano consecutivo, á campaña En negro contra as violencias con actividades que se desenvolverán este domingo, día 24, no pavillón polideportivo municipal a partir das 17:00 horas. Os actos foron presentados pola alcaldesa, Rocío López; a concelleira de Servizos Sociais, Mercedes Dengra; a concelleira de Deportes, Sonia Gavino; e a adestradora da sección de patinaxe das Escolas Deportivas Lourenzá, Tania Irimia.

ESTE VENRES, DÍA 15, REANÚDANSE AS REPRESENTACIÓNS DO III CERTAME DE TEATRO AFECCIONADO CONCELLO DE LOURENZÁ

Este venres, día 15, o grupo de teatro Touporroutou, de Foz, representará no III Certame de Teatro de Lourenzá a obra Comedia bífida. E o sábado 16 será o grupo Carauta Teatro, de Santiago, o que se subirá ao escenario laurentino coa obra Un!dous!tres!. As dúas representacións terán lugar no salón de actos do Concello ás 20:30 horas.

O domingo 17 non haberá representación debido á viaxe que organiza o Concello de Lourenzá a Casar de Periedo (Cantabria), onde participará como concello invitado na XV Feria de la Alubia y la Hortaliza.

O CONCELLO DE LOURENZÁ ORGANIZA UNHA VIAXE Á XV FERIA DE LA ALUBIA Y LA HORTALIZA EN CASAR DE PERIEDO (CANTABRIA)

Preto dun centenar de veciños acompañarán o próximo domingo, 17 de novembro, á alcaldesa de Lourenzá, Rocío López, a participar como concello invitado na XV Feria de la Alubia y la Hortaliza en Casar de Periedo, localidade do concello de Cabezón de la Sal (Cantabria). A viaxe inclúe degustación do cocido montañés.

Ademais de Lourenzá, nese evento participarán como concellos invitados os de La Bañeza (León), Saldaña (Palencia) e Arnuero (Cantabria).

O CONCELLO OFRECE SERVIZOS DE PODOLOXÍA E FISIOTERAPIA A DOMICILIO GRATUÍTOS PARA MAIORES E DEPENDENTES

Lourenzá, 24 de outubro de 2019. A Concellería de Servizos Sociais de Lourenzá amplía os servizos a persoas dependentes e de libre concorrencia ofrecendo podoloxía e fisioterapia gratuítos para todos os usuarios.

Esta semana a concelleira Mercedes Dengra e a técnico social visitaron aos usuarios para ofrecer estes novos servizos, que teñen moi boa acollida. A partir do vindeiro mes de novembro un especialista en podoloxía e outro en fisioterapia realizarán estes servizos a domicilio.

Distribuir contido