Últimas Novas

Lourenzá acollerá este domingo, día 25 de outubro, a sexta edición da Feira do Cabalo, “unha cita que, ano tras ano, foi gañando protagonismo ata converterse nunha das celebracións de referencia do calendario festivo local. O evento está organizado polo Concello de Lourenzá coa colaboración da Asociación de Cabaleiros de Lourenzá, unha entidade que desempeña un papel fundamental no impulso e na consolidación desta iniciativa”, anuncia a alcaldesa, Rocío López.

ler máis

Con motivo do Día Mundial Contra o Cancro de Mama o pasado mércores, 14 de outubro, celebrouse en Lourenzá unha charla informativa coa Asociación Española Contra o Cancro (AECC), seguida dunha merenda solidaria.

A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.

ler máis

O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López.

O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.

ler máis

A alcaldesa, Rocío López, anuncia que o Concello de Lourenzá súmase á conmemoración do Día Mundial do Cancro de Mama, “reafirmando o seu compromiso coa prevención, a sensibilización e o apoio ás persoas afectadas por esta enfermidade. O vindeiro 14 de outubro ás 17:30 horas celebrarase no Multiusos de Ponte de Cuñas unha charla informativa titulada Pautas para reducir o risco de cancro, impartida por María Amparo Vizoso García, psicóloga da Asociación Española Contra o Cancro (AECC), e Rocío Fernández Alonso, traballadora da mesma entidade.

ler máis

O Concello de Lourenzá activa un dispositivo especial de tráfico con motivo da 34ª Festa da Faba, que se celebra esta fin de semana, desde o venres 2 ata o domingo 4 de outubro.

ler máis

Lourenzá, 24 de setembro de 2026. A XXXIV Festa da Faba de Lourenzá celebrarase do 2 ao 4 de outubro e será pregoada por José Cuadrado, presidente da Indicación Xeográfica Protexida (IXP) Faba de Lourenzá. Será o sábado 3 ás 12:00 horas.

Pero as actividades xa comezarán o venres: ás 20:00 horas haberá unha cata de viño comentada a cargo da adega Triay (D.O. Monterrei) no claustro do mosteiro; e desde ás 21:00 horas, verbena coa actuación de Toxo Guayaba e The Sound Project, no Campo dos bolos.

ler máis

Lourenzá, 22 de setembro de 2026. O Concello de Lourenzá anuncia que unha ITV móbil para inspección de vehículos agrícolas estará no mercado gandeiro de Vilanova os días 5, 6, 7 e 8 de outubro

A cita previa pode solicitarse a través do teléfono 981.928.080 ou da web www.sycitv.com.

O Concello de Lourenzá organiza unha festa para celebrar o remate do programa Verán na Praza. Será este venres, día 18 de setembro, ás 17:00 horas na Praza do Conde Santo.

ler máis

Lourenzá, 9 de setembro de 2029. Xa está presentado o cartel da XXXIV Festa da Faba de Lourenzá,” unha das citas máis destacadas do calendario festivo e gastronómico da localidade, que este ano conta cunha autoría especialmente ligada ao territorio: a do artista laurentino Francisco Piña Balboa, coñecido como Chis”.

ler máis

Lourenzá, 7 de setembro de 2026. O Concello de Lourenzá publica na súa sede electrónica as bases para participar no VIII Certame de Teatro Afeccionado. As representacións dos grupos que sexan elixidos desenvolveranse durante o mes de novembro no edificio multiusos Ponte de Cuñas.

ler máis

Lourenzá, 24 de agosto de 2026. Este xoves, día 27 de agosto, dentro do programa Verán na Praza, volve a Lourenzá o Mago Antón, que chegará coa súa xira 50, coa que celebra os seus cincuenta anos de carreira artística. Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo.

ler máis

A Praza do Conde Santo, de Lourenzá, acolleu onte, mércores, unha actividade de zumba ao aire libre que “reuniu a numerosas persoas de todas as idades, nunha tarde festiva, deportiva e de convivencia”, explica a alcaldesa, Rocío López García, que engade: “nenos, maiores e participantes habituais das clases de zumba sumáronse á proposta e encheron a praza de música, movemento e diversión. Durante a actividade os asistentes puideron aprender e practicar diferentes pasos e coreografías, gozando dunha sesión aberta e participativa.

ler máis

Lourenzá converterase entre os días 20 e 26 de agosto nun punto de encontro para persoas interesadas na danza, o movemento e o contact improvisación coa celebración do X Festival Internacional de Contact Improvisación, unha proposta cultural que chega por primeira vez á localidade para achegar ao público unha disciplina baseada na improvisación, o contacto corporal, a escoita e o movemento compartido, anuncia a alcaldesa, Rocío López García.

ler máis

A alcaldesa de Lourenzá, Rocío López García, destaca o éxito de participación nas actividades do programa Verán na Praza celebradas a pasada fin de semana: a festa na piscina municipal, que houbo o venres, e a presentación do libro titulado Lope Sánchez de Moscoso, un vizconde no tempo de Enrique IV de Castela. Estudo histórico, análise e colección de documentos, escrito polo investigador e autor Manuel Canosa Trillo, evento que tivo lugar no salón de actos do Concello o sábado.

ler máis

O programa Verán na Praza, impulsado polo Concello de Lourenzá, continúa esta semana cunha nova proposta “pensada para gozar do verán, facer actividade física e compartir un bo momento en comunidade”. Este mércores, día 19 de agosto, ás 20:00 horas, a Praza do Conde Santo acollerá unha sesión de zumba ao aire libre, “unha actividade dinámica e divertida aberta a todos os públicos”, anuncia a alcaldesa, Rocío López García.

ler máis

A programación do Verán na Praza continúa este venres, día 14 de agosto, cunha proposta pensada para gozar do verán, da piscina e da música: a Festa na Piscina Party, organizada pola Asociación Conde Santo, coa colaboración do Concello de Lourenzá.

ler máis

O programa Verán na Praza continúa coa súa programación cultural cunha nova proposta vinculada á historia e ao patrimonio local. Nesta ocasión, a Asociación Patrimonio Laurentino organiza a presentación do libro titulado Lope Sánchez de Moscoso, un vizconde no tempo de Enrique IV de Castela. Estudo histórico, análise e colección de documentos, do investigador e autor Manuel Canosa Trillo.

ler máis

O grupo Uganda Sticks e os Grandes Tambores de Ruanda ofrecerá a súa única actuación na Mariña este xoves, día 13 de agosto, en Lourenzá. Será ás 20:30 horas no Claustro do Mosteiro, pero en caso de choiva trasladarase ao Multiusos Ponte de Cuñas, no recinto feiral.
O Concello de Lourenzá explica que será unha “festa africana con viño, bebidas e pinchos. Auténtica danza e percusión e única actuación na Mariña”.

ler máis

A Praza do Conde Santo, en Vilanova de Lourenzá, volveu encherse de vida este mércores coa celebración da actividade Xogando á petanca, organizada pola Asociación Valdeflores dentro da programación Verán na Praza, impulsada polo Concello de Lourenzá.

ler máis

Lourenzá, 31 de xullo de 2026. O programa Verán na Praza segue enchendo as rúas de Lourenzá vida e actividade e o vindeiro mércores, día 5 de agosto, ás 19:00 horas a Praza do Conde Santo acollerá un torneo de petanca, unha proposta “pensada para gozar en familia e aberta a persoas de todas as idades”, anuncia o Concello.

ler máis