Novas | Concello de Lourenzá

O CONCELLO ORGANIZA ACTIVIDADES DE XIMNASIA DE MANTEMENTO EN SAN ADRIANO, SANTO TOMÉ E NO PAVILLÓN DE VILANOVA A PARTIR DO DÍA 13 DESTE MES

O Concello de Lourenzá organiza actividades de ximnasia de mantemento dentro do programa de dinamización nas parroquias. Esta iniciativa da Concellería de Deportes comezará o 13 de outubro e desenvolverase ata decembro.

A concelleira de Deportes, Sonia Gavino, anuncia que “o 13 de outubro comezarán as actividades, que se van a impartir durante os meses de outubro, novembro e decembro deste ano. Serán totalmente gratuítas, farase en grupos reducidos (máximo 10 persoas) e con mascarilla obrigatoria”.

SUSPENDÉRONSE OS CONCERTOS DE XABIER DÍAZ PROGRAMADOS PARA MAÑÁ ANTE A PREVISIÓN DE MAL TEMPO

Os concertos de Xabier Díaz & Adufeiras de Salitre que estaban programados para mañá, sábado, 2 de outubro, en Lourenzá, concretamente no claustro do mosteiro de San Salvador, foron suspendidos ante a previsión de mal tempo.

O CONCELLO DE LOURENZÁ ASINOU HOXE CO BISPADO UN CONVENIO DE CESIÓN PARA REHABILITAR O MOSTEIRO DE SAN SALVADOR CON FONDOS CONCEDIDOS POLO GOBERNO CENTRAL

O Concello de Lourenzá asinou hoxe, mércores, un convenio co Bispado de Mondoñedo-Ferrol para rehabilitar o mosteiro de San Salvador cunha subvención concedida polo Goberno central.

O CONCELLO ORGANIZA DO 1 AO 3 DE OUTUBRO UNHAS XORNADAS PARA LEMBRAR A FESTA DA FABA DE LOURENZÁ QUE SE CELEBRABA ANTES DA PANDEMIA

O Concello laurentino organiza do 1 ao 3 de outubro unhas xornadas para lembrar a Festa da Faba de Lourenzá que se celebraba antes da pandemia. As actividades foron presentadas hoxe, venres, pola alcaldesa, Rocío López, e o concelleiro de Cultura, Manuel Arango.

A EXPOSICIÓN ITINERANTE "AQUELA NENA DE SARRIA” FOI PRESENTADA EN LOURENZÁ

A Casa do Concello de Lourenzá acolleu a presentación da mostra itinerante “Aquela nena de Sarria”, un proxecto desenvolvido polo Colectivo Egeria para dar a coñecer a figura de Xela Arias, a quen se dedica este ano o Día das Letras Galegas, e que conta co patrocinio da Consellería de Cultura, Educación e Universidade da Xunta de Galicia, e a colaboración do Concello de Sarria e a Real Academia Galega.