Galego
EspañolSara Cuíña, nacida en Pontedeume e de 19 anos incorpórase a partir desta semana ó equipo de Nacional ó igual que a todopoderosa pívot Rocío Varela, unha das xogadoras destacadas da temporada pasada.
Sara, formada nas categorías inferiores do Pontumio estivo formando parte a temporada pasada da primeira plantilla do Durán Maquinaria Ensino dispuntando bastantes minutos como base. Non saía no 5 inicial pero sí era unha das fixas nas rotacións de Javi Muñoz. Este ano a base prefiere dar un paso atrás para logo dar dous adiante, e seguir formándose a base de xogar moitos minutos. Polo tanto, terá ficha de Nacional e estará tamén á disposición do primeiro equipo.
Ademáis, Rocío Varela seguirá estando na mesma situación que a temporada pasada despois de chegar onte a un acordo coa directiva. Seguirá dispoñendo de ficha de Nacional e alternará partidos tamén co primeiro equipo. Rocío foi unha das claves do ascenso co seu xogo interior, destacando ademáis a súa habilidade no manexo do balón a pesar de xogar como pívot.
Así pois, 3 serán as xogadoras sub-23 que estén vinculadas ó equipo de Liga Feminina: Sara Cuíña, Rocío Varela e a santanderina Tamara Montero. Ademáis estarán a disposición de Juan Nécega Andrea Meilán, Marly Varela, Sabela Uriz e Marta García que xa adestran esperando o debut do 5 de outubro diante do Universidade de Salamanca xunto coas junior de Liga Galega que tamén terán minutos en Nacional.
Con estas incorporacións dase case por pechada a plantilla, salvo que xurda unha incorporación interesante para xogar por dentro da zona.
