Novas

O XURADO DO I CERTAME DE TEATRO CONCELLO DE LOURENZÁ DEU A COÑECER OS NOMINADOS QUE OPTAN AOS PREMIOS QUE SERÁN ENTREGADOS NA GALA DESTE DOMINGO, 3 DE DECEMBRO

O xurado da primeira edición do certame de teatro Concello de Lourenzá deu a coñecer a relación de nominados que optan aos premios que serán entregados na gala que se celebrará este domingo, día 3 de decembro, ás 19 horas.

Ao premio Conde Santo á mellor representación optan: Sen seu amor, de A Adala (Fazouro); Las entretenidas, de Andanzas (Viveiro); e Enciclopedia Álvarez, de Ollomao (Barreiros).

ESTE FIN DE SEMANA REMATAN AS REPRESENTACIÓNS QUE PARTICIPAN NO I CERTAME DE TEATRO CONCELLO DE LOURENZÁ

Este próximo fin de semana rematan as representacións que entran a concurso no primeiro Certame de Teatro Concello de Lourenzá.

O sábado, día 25 A Adala, de Fazouro, porá en escena a obra Sen seu amor. E o domingo 26 pechará o concurso Ollomao, de Barreiros, con Enciclopedia Álvarez. Estas dúas representacións serán no salón de actos do Concello ás 19:30 horas.

A gala de entrega de premios do certame terá lugar o domingo 3 de decembro ás 19:00 horas e contará coa presenza do actor Cándido Pazó, que escenificará a obra Que comerá o rei?.

ESTE FIN DE SEMANA HABERÁ OUTRAS DÚAS REPRESENTACIÓNS DO CERTAME DE TEATRO AFECCIONADO ORGANIZADO POLO CONCELLO

Este fin de semana, sábado e domingo, haberá outras dúas representacións dentro da primeira edición do certame de teatro afeccionado organizado polo Concello de Lourenzá.

O sábado, día 11, o grupo Andanzas, de Viveiro, ofrecerá a obra Las entretenidas e o domingo 12 a agrupación da Asociación de Veciños de Lagoa (Alfoz) escenificará Menciñeiro á forza. As dúas representacións serán no salón de actos do Concello de Lourenzá ás 19:30 horas. O prezo das entradas será de 3 euros.