Noticias

Noticias del Ayuntamiento

LOURENZÁ CONVERTERASE DURANTE O MES DE NOVEMBRO NA CAPITAL DO TEATRO AFECCIONADO DE GALICIA. NO CERTAME ORGANIZADO POLO CONCELLO PARTICIPARÁN 17 GRUPOS

Dezasete compañías ou grupos de teatro afeccionado competirán en Lourenzá por acadar o premio Conde Santo na segunda edición do Certame de Teatro Afeccionado Concello de Lourenzá, que se celebrará no vindeiro mes de novembro. Participarán na fase de selección sete compañías da Mariña, dúas do Occidente asturiano, outras dúas da cidade de Lugo e unha de cada unha destas localidades: Chantada, Sarria, Ourense, Pontevedra, A Coruña e Vigo.

O CONCELLO ORGANIZA UN CURSO DE APLICADOR DE FITOSANITARIOS GRATUÍTO PARA OBTER O CARNÉ CUALIFICADO

O Concello de Lourenzá organiza un curso de aplicador de produtos fitosanitarios gratuíto, de 35 horas, para obter o carné cualificado. Os participantes deben ter o carné básico e ser agricultores en activo. Esta actividade formativa está subvencionada pola Consellería do Medio Rural.

A alcaldesa, Rocío López, explicou que “anteriormente neste concello xa organizamos máis cursos desta materia, nos que formaron máis de 100 persoas, pero a novidade deste é que é de nivel cualificado”.

A ISABEL VILALBA FAILLE ILUSIÓN PREGOAR A FESTA DA FABA E SORPRENDEULLE QUE LLO PROPUXERAN. NO PROGRAMA INCLÚESE UNHA EXPOSICIÓN DE XOÁN GUERREIRO, A PROXECCIÓN DUN AUDIOVISUAL DE XESÚS DO BREOGÁN E A PRESENTACIÓN DUN LIBRO DO QUE É COAUTOR IGNACIO CASTRO

A secretaria xeral do Sindicato Labrego Galego, a laurentina Isabel Vilalba, manifestou que lle fai ilusión pregoar a Festa da Faba aínda que lle sorprendeu que llo propuxeran. No programa do evento, que comeza este venres 30 e remata o domingo 3 de outubro, inclúese tamén unha exposición de pinturas de Xoán Guerreiro, a proxección dun audiovisual sobre A Mariña elaborado por Xesús do Breogán e a presentación dun libro do que é coautor o veciño de Lourenzá Ignacio Castro.

O presunto autor de Vandalismo, detido esta madrugada!!!

Gracias á labor dun grupo de veciños heroicos de Lourenzá o presunto autor de vandalismo sobre a furgoneta do clube así como de varias instalacións e vehículos do Concello de Lourenzá foi detido esta madrugada cando volvía a atentar contra as instalacións do Centro de Saúde. Despois da súa detención foi posto a disposición xudicial. Dar as gracias a este grupo de veciños polo seu comportamento heroico e esperamos que o presunto autor pague polo acontecido e nunca máis se volvan a producir feitos como os ocurridos nos últimos días. Gracias, Lourenzá!!!

O PLENO DA CORPORACIÓN MUNICIPAL TRATARÁ MAÑÁ, MARTES, A DEDICACIÓN PARCIAL PARA A 2ª TENENCIA DE ALCALDÍA E CONCELLERÍA DE OBRAS, URBANISMO, INFRAESTRUTURAS E TRÁFICO

A corporación municipal de Lourenzá celebrará un pleno ordinario mañá, martes, día 31, ás 20:30 horas. Nesta sesión tratarase unha proposta da Alcaldía para o recoñecemento da dedicación parcial da segunda tenencia de alcaldía, que se ocupa das delegacións de Obras, Urbanismo, Infraestruturas e Tráfico.

Distribuir contido