Novas

Os voceiros dos tres grupos da corporación municipal de Lourenzá, que son Manuel Arango (PSOE), Francisco Javier Rodríguez (PP) e Enrique Rocha (BNG) asinaron un acordo no que solicitan que a Deputación Provincial de Lugo, a Xunta de Galicia e os grupos parlamentares de PSOE, PP e BNG medien na procura dun plan de viabilidade para a empresa Muebles Hermida, “poñendo por diante a condición irrenunciable do pago dos salarios atrasados”.

O salón de actos do Concello de Lourenzá acollerá unha charla titulada O alzheimer e outras demencias nas nosas vidas. Será mañá, mércores 27, ás 18:00 horas con acceso libre. Impartirana a psicóloga xeral sanitaria e a educadora social do Centro de Día de Lourenzá, Pilar Díaz e Nazaret Cruz, respectivamente.

Esta fin de semana haberá representacións do certame de teatro Concello de Lourenzá o sábado e o domingo.

Fauna 113, grupo gañador na edición pasada do certame, actuará este sábado, día 23, ás 20:30 horas. Porán en escena a obra A última cea. E o domingo ás 20:00 horas tócalle Matabelas Teatro, de Teo, representará a obra A estraña familia.

Lourenzá, 20 de novembro de 2019. O Concello de Lourenzá súmase, por terceiro ano consecutivo, á campaña En negro contra as violencias con actividades que se desenvolverán este domingo, día 24, no pavillón polideportivo municipal a partir das 17:00 horas. Os actos foron presentados pola alcaldesa, Rocío López; a concelleira de Servizos Sociais, Mercedes Dengra; a concelleira de Deportes, Sonia Gavino; e a adestradora da sección de patinaxe das Escolas Deportivas Lourenzá, Tania Irimia.

Ver anuncio (PDF)

Este venres, día 15, o grupo de teatro Touporroutou, de Foz, representará no III Certame de Teatro de Lourenzá a obra Comedia bífida. E o sábado 16 será o grupo Carauta Teatro, de Santiago, o que se subirá ao escenario laurentino coa obra Un!dous!tres!. As dúas representacións terán lugar no salón de actos do Concello ás 20:30 horas.

O domingo 17 non haberá representación debido á viaxe que organiza o Concello de Lourenzá a Casar de Periedo (Cantabria), onde participará como concello invitado na XV Feria de la Alubia y la Hortaliza.

Preto dun centenar de veciños acompañarán o próximo domingo, 17 de novembro, á alcaldesa de Lourenzá, Rocío López, a participar como concello invitado na XV Feria de la Alubia y la Hortaliza en Casar de Periedo, localidade do concello de Cabezón de la Sal (Cantabria). A viaxe inclúe degustación do cocido montañés.

Ademais de Lourenzá, nese evento participarán como concellos invitados os de La Bañeza (León), Saldaña (Palencia) e Arnuero (Cantabria).

Lourenzá, 25 de outubro de 2019. As oito obras seleccionadas para a terceira edición do certame de teatro Concello de Lourenzá representaranse desde o 2 de novembro ata o 1 de decembro. E na gala de entrega de premios, que será o 14 de decembro, actuará Sergio Pazos.

Lourenzá, 24 de outubro de 2019. A Concellería de Servizos Sociais de Lourenzá amplía os servizos a persoas dependentes e de libre concorrencia ofrecendo podoloxía e fisioterapia gratuítos para todos os usuarios.

Esta semana a concelleira Mercedes Dengra e a técnico social visitaron aos usuarios para ofrecer estes novos servizos, que teñen moi boa acollida. A partir do vindeiro mes de novembro un especialista en podoloxía e outro en fisioterapia realizarán estes servizos a domicilio.

Este xoves, día 24, ás 12:30 horas, co gallo da celebración do Día da Biblioteca, a biblioteca municipal Juana de Ibarbourou e a do CEIP Juan Rey celebrarán un acto conxunto na Praza do Conde Santo onde se lerá un manifesto e O conto máis longo do mundo, escrito e ilustrado polos alumnos e alumnas do colexio laurentino.

O Concello de Lourenzá obsequiará aos nenos e nenas participantes con agasallos conmemorativos do día.