Novas

Novas do Concello

A ALCALDESA CRITICA Á DEPUTACIÓN PROVINCIAL POR REXEITAR DE NOVO A TITULARIDADE DA ESTRADA COÑECIDA COMO CAMIÑO A E ESIXIR AO CONCELLO QUE FAGA MELLORAS NESE VIAL QUE SUPORÍAN UN ELEVADO INVESTIMENTO. ÁLVAREZ CONSIDERA QUE É UN CASO DE SECTARISMO POLÍTICO

Lourenzá, 9 de xullo de 2013. A alcaldesa de Lourenzá, Emma Álvarez Chao, critica hoxe ao goberno da Deputación Provincial de Lugo porque lle remitiu unha nova comunicación rexeitando facerse cargo da titularidade da estrada coñecida como Camiño A e esixindo ao Concello que faga melloras nese vial que precisarían un elevado investimento. A rexedora considera que é un claro caso de sectarismo político por parte do organismo provincial debido a que en Lourenzá goberna o Partido Popular.

COLABORADORES DO CLUB DE CICLISMO LOCAL FORMARÁN GRATUITAMENTE ÓS MAIORES DE 4 ANOS NO BTT. A INSCRICIÓN PODERÁ REALIZARSE ATA O DÍA DA PRESENTACIÓN, MARTES 16 DE XULLO

Lourenzá, 8 de xullo de 2013. Colaboradores do club de ciclismo de Lourenzá, que está vinculado ás escolas deportivas municipais, formarán a todos os maiores de 4 anos na práctica do BTT, de forma gratuíta, co fin de dar a coñecer este deporte á vez que ofertan outra alternativa para facer exercicio de forma colectiva.

A XUNTA CONCEDEU AO CONCELLO A CONTRATACIÓN DUN MONITOR DE TEMPO LIBRE DURANTE UN ANO. A PRAZA CONVOCARASE DE INMEDIATO PARA QUE TRABALLE XA NO CAMPAMENTO MUNICIPAL DESTE VERÁN

Lourenzá, 8 de xullo de 2013. A Xunta de Galicia concedeu ao Concello de Lourenzá a contratación dun monitor de tempo libre durante un ano. Anunciouno hoxe a alcaldesa, Emma Álvarez Chao, quen explicou que a praza se convocará de inmediato para que traballe xa no campamento municipal de verán.

TRABALLO SEGUE A APOSTAR POLO COOPERATIVISMO QUE EN GALICIA RESISTE Á CRISE COA CREACIÓN NO PRIMEIRO SEMESTRE DE 33 COOPERATIVAS

Ames (A Coruña), 6 de xullo de 2013.- O Día do Cooperativismo Galego celebrouse hoxe na localidade de Ames, onde tivo lugar a entrega de premios á cooperación 2013. A inauguración dos actos e entrega de premios estivo presidida pola conselleira de Traballo e Benestar, Beatriz Mato, quen indicou que a Xunta segue a apostar por esta fórmula empresarial, xa que afirmou que continúa a resistir á crise económica.

Distribuir contido