Novas

O recinto feiral de Vilanova acollerá a primeira festa gastronómica dedicada ás fabas de Lourenzá con callos mañá, Xoves Santo, a partir das 21:30 horas. Este evento está organizado pola comisión de festas de Santa Cruz e hoxe é o último día para comprar as entradas en venda anticipada, lembrou a alcaldesa, Emma Álvarez Chao.

A traballadora social do Concello de Lourenzá tramita as solicitudes dos veciños do municipio para participar no programa de Benestar en Balnearios 2014 organizado pola Xunta de Galicia.

A alcaldesa, Emma Álvarez Chao, explicou que “na tarde de onte mantivemos unha xuntanza da comisión de seguimento para a creación do escudo e da bandeira que represente ao Concello de Lourenzá. Nesta reunión estiveron presentes Eduardo Pardo de Guevara, que é o vicepresidente da Comisión Heráldica e a maiores é o delegado do CSIC en Galicia e director do Instituto Padre Sarmiento; Alberto Pazos, que é o director xeral de Administración Local e presidente da Comisión Heráldica de Galicia; e tamén Pablo Otero, que é vocal da mesma comisión.

Un can apareceu no lugar das Murias, na parroquia de San Adriano. O Concello de Lourenzá informa para que o seu dono se faga cargo del, porque de non ser así a familia que o encontrou adoptarao.

A sección de atletismo estivo este pasado sábado 12 de Abril na Popular de Tapia.

 Enumeramos a continuación o resto de resultados destacados:

O salón de actos do Concello de Lourenzá acollerá un taller de prevención de riscos laborais en explotacións agrícolas de horta. É gratuíto, ten 25 prazas e o prazo para inscribirse remata este mércores, día 16.

A comisión formada por representantes políticos e veciñais para elaborar o escudo do Concello de Lourenzá reunirase o vindeiro luns, 14 de abril, ás sete da tarde para analizar a proposta recibida. Anunciouno hoxe a alcaldesa, Emma Álvarez Chao.

Onte presentouse a XI edición do torneo de baloncesto feminino Lourenzá en Xogo. No acto estiveron Emma Álvarez Chao (alcaldesa de Lourenzá); Manuel Otero Méndez (responsable do Servicio Provincial de Deportes da Xunta de Galicia); Pablo Maseda Fernández (concelleiro de Deportes en Lourenzá); e Mariano De La Torre Galindo (adestrador do equipo de Segunda Autonómica), entre outras persoas. Tiveron especial protagonismo os equipos infantil e cadete.

A alcaldesa de Lourenzá, Emma Álvarez Chao, agradece publicamente o traballo realizado pola Fundación TIC na elaboración dun vídeo de promoción da Festa da Faba, que foi presentado hoxe, e solicita á Deputación Provincial axuda económica para vindeira edición do evento, como reciben outras festas de interese turístico galego.

O recinto feiral de Vilanova acollerá a primeira festa gastronómica dedicada ás fabas de Lourenzá con callos o día 17 deste mes de abril, Xoves Santo, a partir das 21:30 horas. Este evento está organizado pola comisión de festas de Santa Cruz e foi presentado hoxe na Casa do Concello pola alcaldesa, Emma Álvarez Chao; o concelleiro de Deportes e Xuventude, Pablo Maseda; e José Cuadrado, como representante do colectivo organizador.