Novas

Lourenzá, 4 de novembro de 2013. A aula de formación do mercado gandeiro de Lourenzá acolle un curso de tear promovido pola Deputación Provincial de Lugo. Conta con dez participantes e rematará o día 13 deste mes de novembro.

Esta actividade formativa, que está sendo impartida por Noela Feal Jiménez, desenvólvese os martes e os venres e terá unha duración total de 42 horas.

Rematou a IV Rei Cintolo con éxito de participación, con máis de 150 participantes o que fixo dobrar o número da anterior co que se desbordaron as previsións iniciais.

Resultados:

1 - Manuel Carrelo Magadán. Taramundi. C. De Vela Castropol

2 - Marcos Vale García. Viveiro. Peña Ciclista Lar.

3 - Manuel Rey García. Nosportlimit-Treck-Galicia. A Coruña.

Premio ó máis veterano:

- Rosendo Fdez. Méndez. El Franco. Club de Vela Castropol.

Premio ó máis novo:

Gonzalo Pérez Fdez

Lourenzá, 1 de novembro de 2013. O Concello de Lourenzá presentará tres alegacións ao proxecto de delimitación do Camiño Norte de Santiago para solicitar que non supoña más restricións para a explotación forestal, que se constrúa un albergue na antiga casa reitoral de Santo Tomé e que non se habilite unha variante marítima na ruta xacobea do Norte. Anunciouno hoxe a alcaldesa de Lourenzá, Emma Álvarez Chao.

Lourenzá (Lugo), 2 de novembro de 2013. O conselleiro de Cultura, Educación e Ordenación Universitaria, Xesús Vázquez Abad, inaugurou hoxe a exposición ‘Fernández del Riego, cos ollos do espírito. Centenario do nacemento 1013-2013’, que estará aberta ata o vindeiro día 15 nas dependencias do concello lucense de Vilanova de Lourenzá.

Lourenzá, 31 de outubro de 2013. A charla coloquio sobre Francisco Fernández del Riego que se celebrará este sábado, día 2 de novembro, no salón de actos da casa de cultura de Lourenzá contará con tres participantes: o escritor Manuel Román; o director da Fundación Penzol, Francisco Domínguez; e Xosé Luis Anxemil, membro do equipo de coordinación lingüística da Xunta de Galicia en Lugo. Anunciouno hoxe a concelleira de Cultura, Lupe Flórez Seivane.

Lourenzá, 31 de outubro de 2013. O Concello de Lourenzá anuncia que ata o día 25 de novembro está aberto o prazo de inscrición para participar no programa Xuntos polo Nadal, para maiores que estean sen compañía nesas datas festivas.

A alcaldesa de Lourenzá, Emma Álvarez Chao, clausurou un curso de informática organizado polo Concello e financiado pola asociación agraria Xóvenes Agricultores. Nesta actividade formativa participaron 15 persoas de diferentes idades.

Tras revisar a cada día máis apertada axenda de rutas e kedadas, na sección do E.D.Lourenza.ciclismo decidimos celebrar a "IV Ruta btt Rei cintolo " o próximo domingo, 3 de Novembro

A edición deste ano percorrerá pistas e sendeiros por unha das zonas máis bonitas dos nosos bosques, un percorrido moi completo cunha forte suba, unha baixada espectacular e unha zona de sendeiros por preciosas paraxes ( parque da Fraga Vella ) ; asegurámosvos unha xornada de bo BTT!!!

As inscripcións rematan no dia de hoxe, e agora mesmo pasamos os 100 inscritos:

Manuel Folgueira impúxose na carreira solidaria de Xove con un tempo de 15´30´´ sobre un percorrido de 4,400. O que fora no seu dia subcampión galego cadete de campo a través volve a estar en forma e seguro que lle seguirá deparando grandes momentos á família do atletismo das E.D. Lourenzá Mondoñedo.

Ademáis, enumeramos a continuación o resto de resultados destacados:

- Veterano Masculino:

• Marcos Rodríguez. Campión

Lourenzá, 29 de outubro de 2013. Vilanova de Lourenzá acollerá este sábado, día 2 de novembro, dous actos para lembrar o nomeamento de Francisco Fernández del Riego como fillo predilecto do concello. Na xornada, á que asistirá o conselleiro de Cultura, Jesús Vázquez, inaugurarase unha exposición e haberá unha charla coloquio sobre o escritor laurentino.