Novas

Novas do Concello

A alcaldesa felicita ao equipo de Baloncesto Feminino Lourenzá Ensino por lograr o ascenso á primeira división nacional e anuncia que haberá una recepción oficial no Concello

Lourenzá, 19 de maio de 2013. A alcaldesa, Emma Álvarez Chao, felicitou ao equipo de baloncesto feminino Lourenzá Ensino, que hoxe logrou o ascenso á Primeira División Nacional, e anunciou que haberá unha recepción oficial no Concello nunha data que está por decidir.

Fallaron e entregaron os premios do primeiro certame de narración e debuxo organizado polo Concello e acial co patrocinio de Pastelería Cabaleiros, cuxo propietario foi o promotor e patrocinador desta iniciativa convocada a nivel comarcal

Lourenzá, 18 de maio de 2013. O primeiro certame de narración e debuxo denominado “Lourenzá, arte e historia no camiño” foi fallado e xa entregaron os premios aos gañadores. Este concurso fora convocado no pasado mes de abril polo Concello de Lourenzá e a asociación de comerciantes, industriais e autónomos local (Acial) co patrocinio de Pastelería Cabaleiros, cuxo propietario foi o promotor desta iniciativa dirixida a estudantes de Primaria, ESO e Bacharelato de todos os centros da Mariña.

Listado de Gañadores do "Certame de Narración e Debuxo Letras Galegas 2013 - A toda máquina"

CERTAME DE NARRACIÓN E DEBUXO “LETRAS GALEGAS 2013” – A toda máquina

Convocatoria local: Biblioteca de Lourenzá

LISTADO DE GAÑADORES

* NARRACIÓN :

Debido ao mal tempo a actividade dedicada a Francisco Fernández del Riego celebrouse no salón de actos da Casa do Concello, que estivo ateigado de público. A ruta prevista para hoxe farase o 25 de xullo

Lourenzá, 17 de maio de 2013. Como consecuencia do mal tempo a actividade dedicada a Francisco Fernández del Riego organizada polo Concello de Lourenzá para conmemorar o Día das Letras Galegas celebrouse no salón de actos da Casa do Concello, que estivo ateigado de público.

50 familias apuntáronse para participar na ruta literaria dedicada a Fernández del Riego que se vai desenvolver mañá. Se a chuvia impide facer o percorrido a actividade trasladarase ao salón de actos do Concello

Lourenzá, 16 de maio de 2013. Cincuenta familias apuntáronse para participar na ruta literaria dedicada a Francisco Fernández del Riego, actividade que se vai levar a cabo en Lourenzá mañá, venres, a partir das 11 da mañá, para conmemorar o Día das Letras Galegas. En caso de que a chuvia impida facer o percorrido a actividade trasladarse ao salón de actos da Casa do Concello.

No pleno da Corporación Local que se celebrará o vindeiro luns, día 20, someteranse a aprobación as ordenanzas para regular o uso de espazos e vías públicas de titularidade municipal

Lourenzá, 15 de maio de 2013. A corporación municipal de Lourenzá celebrará pleno o vindeiro luns, día 20 ás doce e media do mediodía con 13 puntos na orden do día. Entre eles figuran as ordenanzas para regular o uso de espazos e vías públicas de titularidade municipal.

O Concello pechou o ano pasado cun remanente positivo duns 150.000 euros, dato que a Alcaldesa considera unha boa nova para o municipio

Lourenzá, 10 de maio de 2013. Na reunión da Comisión de Contas do Concello de Lourenzá celebrada hoxe aprobouse a liquidación económica do pasado ano 2012, que se pechou cun remanente positivo duns 150.000 euros. A alcaldesa, Emma Álvarez Chao, destacou que isto demostra que están dando resultado os axustes aplicados polo actual goberno local e polo anterior, que presidía Vidal Martínez-Sierra.

O Concello conmemora o Día das Letras Galegas cun roteiro de 2,7 quilómetros polos lugares do municipio destacados na vida de Francisco Fernández del Riego

Lourenzá, 9 de abril de 2013. O Concello de Lourenzá conmemorará o Día das Letras Galegas o vindeiro 17 deste mes cun roteiro de 2,7 quilómetros polos lugares do municipio que foron destacados na vida de Francisco Fernández del Riego. Para esta actividade editouse unha guía e os interesados en conseguila deben inscribirse na biblioteca municipal en horario de cinco a oito da tarde ata o mércores día 15.

O Concello asinou o contrato para a construción do Museo e Centro de Interpretación da Cultura dos Pazos Galegos en Tovar. A alcaldesa, Emma Álvarez, explicou que a obra deberá estar rematada o 14 de xullo

Lourenzá, 8 de maio de 2013. O Concello de Lourenzá asinou coa empresa Copcisa o contrato para a construción do museo e centro de interpretación no Pazo de Tovar, obra que debe estar rematada o 14 de xullo deste ano.

Co arranxo dun muro en pedra na área recreativa da Fonte do Cura remataron as obras programadas no concello de Lourenzá para ser executadas polos alumnos do obradoiro de emprego

Co arranxo dun muro en pedra na área recreativa da Fonte do Cura, que está na parroquia de Santo Tomé, remataron as obras programadas no concello de Lourenzá para ser executadas polos alumnos do obradoiro de emprego que este Concello comparte con Barreiros e Mondoñedo. Esta actuación foi supervisada polo concelleiro de Obras, Dino Vidal.