O CONCELLO ACTUALIZARÁ OS DATOS PARA COBRAR A TODOS OS USUARIOS DO SERVIZO MUNICIPAL DE RECOLLIDA DE RESIDUOS AS CANTIDADES QUE LLES CORRESPONDEN E ASÍ EVITARÁ APLICAR INTEGRAMENTE A SUBA DO 34 POR CENTO QUE VAI LEVAR A CABO SOGAMA
Lourenzá, 13 de decembro de 2013. O Concello de Lourenzá actualizará a partir do día 1 de xaneiro do vindeiro ano 2014 os datos para cobrar a todos os usuarios do servizo municipal de recollida de residuos sólidos urbanos as cantidades que lles corresponden. A alcaldesa, Emma Álvarez Chao, explicou hoxe que o obxectivo desta medida é que todos os veciños paguen o que lles pertence e así evitarase ter que aplicar integramente a suba do 34 por cento que vai levar a cabo a empresa Sogama.