Novas

Novas do Concello

Servicio de Atención Temperá - Agrupación de Concellos de Burela, Xove, Cervo, Foz, Ribadeo, Barreiros, Alfoz e Lourenzá

As subvencións ás entidades locais para a prestación de servizos no marco da Rede galega de Atención Temperá está cofinanciadas pola Unión Europea no marco do Programa Operativo FSE Galicia 2014-2020.

O obxectivo (O.T.9) é promover a igualdade, a saúde e a inclusión social mediante un conxunto de intervencións dirixidas á poboación infantil de 0 a 6 anos con trastornos do desenvolvemento ou en risco de padecelos, a súa familia e contorno, co fin de facilitar a súa autonomía personal e a dita inclusión.

ELIXIDAS AS OITO COMPAÑÍAS E AS OBRAS PARA PARTICIPAR NO SEGUNDO CERTAME DE TEATRO CONCELLO DE LOURENZÁ.

Lourenzá, 20 de outubro de 2018. Xa foron escollidas as oito obras que van ser representadas no segundo Certame de Teatro Concello de Lourenzá. O xurado, presidido polo concelleiro de Cultura, Manuel Arango, e formado por laurentin@s vinculados coa cultura ou con asociacións da localidade, non o tivo nada fácil, non só polo número de compañías presentadas, dezaoito, senón tamén pola calidade das obras.

O PROGRAMA DA XXVIII FESTA DA FABA DE LOURENZÁ, QUE SE CELEBRARÁ DO 5 AO 7 DE OUTUBRO, INCLÚE DEGUSTACIÓNS, CONCERTOS, VIAXES NO TREN TURÍSTICO, SHOWCOOKING, ACTIVIDADES INFANTÍS E CONCENTRACIÓNS DE VEHÍCULOS CLÁSICOS

A alcaldesa de Lourenzá, Rocío López, presentou hoxe a programación da XXVIII edición da Festa da Faba de Lourenzá, que se celebrará dos días 5 ao 7 de outubro. As actividades inclúen a venda de fabas, degustacións, tapas elaboradas con esta leguminosa, showcooking, actividades infantís, os concertos musicais de Tumba e Dalle e A Roda e concentracións de vehículos clásicos, entre outras propostas. O pregón será o sábado ás 12:00 horas e correrá a cargo da xornalista Marta Docampo. A rexedora convida a asistir a esta cita.

A IV CONCENTRACIÓN VESPAFABA E CLÁSICOS LOURENZÁ CELEBRARASE DO 5 AO 7 DE OUTUBRO COINCIDINDO COA FESTA DA FABA

A cuarta edición da Concentración VespaFaba e Clásicos Lourenzá terá lugar do 5 ao 7 de outubro, coincidindo coa celebración da Festa da Faba. Haberá rutas polo val e polos municipios de Xove, Trabada e Riotorto, ademais de xincana, trofeos, agasallos e os asistentes gozarán da gastronomía local. O evento foi presentado en Lourenzá cun acto no que participou a alcaldesa, Rocío López.

PRESENTADO O CARTEL DA XXVIII FESTA DA FABA, QUE PREGOARÁ A XORNALISTA E LOCUTORA LAURENTINA MARTA DOCAMPO

O Concello de Lourenzá presentou o cartel da vixésimo oitava edición da Festa da Faba, que se celebrará do 5 ao 7 de outubro. A autora é Aixa Paz Mora, natural de Lourenzá e licenciada en Belas Artes. A alcaldesa, Rocío López, tamén anunciou que a pregoeira da Festa da Faba 2018 será a xornalista e locutora de radio Marta Docampo, laurentina afincada en Madrid. O pregón será o día 6, sábado, ás 12:00 horas.

A REPRESENTACIÓN TEATRAL PROGRAMADA PARA ESTE SÁBADO SUSPÉNDESE PORQUE A COMPAÑÍA A PENEDA NON PODE DESPRAZARSE PARA ACTUAR ESE DÍA

A representación teatral programada para este sábado, 22 de setembro, no salón de actos do Concello de Lourenzá suspéndese por problemas da compañía A Peneda, de Monterroso, que non pode desprazarse para actuar ese día.

O edil de Cultura, Manuel Arango, anunciou a suspensión desta actividade cultural e explicou que o Concello intentará que a compañía A Peneda represente en Lourenzá a obra prevista para este sábado, A cea dos idiotas, noutra data.

ESGOTÁRONSE AS ENTRADAS PARA A ACTUACIÓN DO ACTOR CARLOS BLANCO O DÍA 29 DESTE MES NO SALÓN DE ACTOS DO CONCELLO

As entradas para presenciar a actuación do actor Carlos Blanco o día 29 deste mes ás 20:30 horas no salón de actos do Concello de Lourenzá xa están esgotadas.

O concelleiro de Cultura, Manuel Arango, explicou que “xa non quedan entradas para a actuación que Carlos Blanco ofrecerá en Lourenzá o día 29 de setembro. Tivo unha gran acollida e sentimos moito non poder atender todas as peticións de entradas, pero o motivo é que temos un salón de actos que se nos queda pequeno para este tipo de eventos”.

Distribuir contido