Novas

Lourenzá, 11 de setembro de 2013. En Lourenzá están as piques de rematar os traballos para acondicionar a estrada de acceso ao CEIP Juan Rey, que é a avenida de Soutelo. Ademais a Xunta de Galicia está a instalar un ascensor no centro para mellorar a súa accesibilidade. Por iso a alcaldesa, Emma Álvarez Chao, considera que o inicio do curso chega con boas noticias para os estudantes laurentinos.

Lourenzá, 10 de setembro de 2013. Despois de publicarse no Boletín Oficial da Provincia do pasado sábado, día 7 de setembro, entrou en vigor onte, luns, a ordenanza do Concello de Lourenzá sobre o uso e aproveitamento especial das vías públicas e espazos de titularidade municipal, que regula a carga e transporte de madeira e outras actividades extraordinarias nas estradas do Concello. O seu incumprimento pode supoñer multas de ata 100.000 euros.

Lourenzá, 10 de setembro de 2013. Rematou o campamento de verán organizado polo Concello de Lourenzá cunha xornada de clausura na que os nenos que participaron recibiron un diploma, un vídeo e fotografías das actividades que levaron a cabo.

PITUFOS FEMININO: 1ª – Emma García.

PREBX MASCULINO: 1º- Brais Diaz. 3º - David Martínez.

PREBX FEMININO: 1º- Diana Lastra. 2ª – Carmen García.

BX. MASCULINO: 1º- Nicolás Álvarez.

BX. FEMININO: 2ª – Hiba Bouyzar

AV. FEMININO: 1ª – Ana Vallines

INF. FEMININO: 1ª – Xana Rodríguez

CAD. MASCULINO: 1º - Aarón Rivas

CAD. FEMININO: 3ª – Camen López

Lourenzá, 9 de setembro de 2013. Unha unidade móbil para a inspección técnica de vehículos agrícolas estará nas instalacións do mercado comarcal gandeiro de Lourenzá do 24 ao 27 deste mes de setembro. Anunciouno hoxe a alcaldesa, Emma Álvarez Chao, a través dun bando.

O horario de atención será de 9 a 13:30 e de 15:15 a 18 horas agás o día 27, cando será só pola mañá. Para solicitar cita previa poden facelo chamando ao teléfono 902.30.90.00 ou a través da páxina web www.sycitv.com.

Lourenzá, 6 de setembro de 2013. O día 22 deste mes de setembro empezarán os mercados dominicais da faba de Lourenzá, nos que só poderán vender os produtores que teñan o novo carné de fabeiro. Este documento acreditativo deben solicitalo na Casa do Concello a partir do vindeiro luns, día 9.

Lourenzá, 5 de setembro de 2013. Lourenzá acollerá un curso de informática, que se desenvolverá a finais deste mes de setembro, e outro de tecido en tear, que será do 15 de outubro ao 13 de novembro. A alcaldesa, Emma Álvarez Chao, fixo públicos bandos para anuncialos.

Santiago, 4 de setembro de 2013.- A Consellería de Cultura, Educación e Ordenación Universitaria publica hoxe no Diario Oficial de Galicia a incoación do expediente para a delimitación do Camiño de Santiago Norte, Ruta da Costa, ao seu paso por Galicia. O obxectivo desta medida é garantir a mellor protección dos lugares, edificios e paraxes polos que discorre esta ruta xacobea.

Comunicamos os resultados máis destacados da popular Subida a Sta. Cruz deste pasado sábado dos atletas das E.D. Lourenzá Mondoñedo.

PREBX MASCULINO: 2º- Brais Diaz.

PREBX FEMININO: 2ª – Carmen García. 3ª – Iria Rguez.

BX. MASCULINO: 3º- Fernando Vallines

BX. FEMININO: 1ª – Hiba Bouyzar

AV. MASCULINO: 3º - Adnan Itrih

AV. FEMININO: 1ª – Ainara Rguez. 2ª – Ana Vallines

INF. FEMININO: 1ª – Lidia Barreira

CAD. MASCULINO: 1º - Aarón Rivas

Onte domingo disputouse o XV Trofeo Conde Santo 2013 con motivo das festas patronais na modalidade de 3 a 1; con ambientazo de gala no Anfiel Cruz.

1º PARTIDO: LOURENZÁ 2, FOZ 0.

Os goles de Montxo e Marquinhos fixeron xusticia ó sucedido nunhos 45 minutos moi entretenidos e nos que o Atleti estivo moi a gusto con momentos de bo fútbol por parte dos dous conxuntos. A pegada dos de Renda propiciaron o 2-0 final.

2º PARTIDO: FOZ 0, MONDOÑEDO 1.