Novas

Novas do Concello

O Concello mellorou estradas e rúas cunha inversión de 28.411 euros dentro do Plan de Cooperación da Deputación Provincial

Lourenzá, 20 de abril de 2013. O Concello de Lourenzá rematou as obras para a mellora de varias estradas e rúas do municipio, actuacións nas que se investiron un total de 28.411 euros dentro do Plan de Cooperación da Deputación Provincial de Lugo.

A Comisión Municipal de Goberno adxudicou hoxe a construción do Museo e Centro de Interpretación da Cultura dos Pazos Galegos en Tovar. O prazo para a execución da obra é de dous meses e conta cun investimento de 135.720 euros máis ive

Lourenzá, 19 de abril de 2013. A execución do museo e centro de interpretación no Pazo de Tovar foi adxudicada hoxe pola comisión de goberno do Concello de Lourenzá cun orzamento de 135.720 euros máis IVE e un prazo de 2 meses á empresa Copcisa.

A alcaldesa critica ao vicepresidente primeiro da Deputación Provincial por non atender ás súas reiteradas solicitudes de reunirse con el dende xaneiro para falar da Festa da Faba e de infraestructuras deportivas.

Lourenzá, 17 de abril de 2013. A alcaldesa de Lourenzá, Emma Álvarez Chao, critica ao vicepresidente primeiro da Deputación Provincial de Lugo, Antonio Veiga, porque non atende ás solicitudes de entrevista con el que a rexedora leva facendo dende o pasado mes de xaneiro en reiteradas ocasións e por diversos medios, incluso a través do concelleiro do Bloque Nacionalista Galego en Lourenzá.

A Casa do Concello acollerá este xoves unha charla informativa sobre a área sanitaria integrada a cargo do xerente do Hospital da Costa, Francisco Soriano

Lourenzá, 15 de abril de 2013. O salón de actos da Casa do Concello de Lourenzá acollerá este xoves, día 18 de abril, ás oito da tarde unha charla informativa sobre a área de xestión integrada na sanidade, que correrá a cargo do xerente do Hospital da Costa, Francisco Soriano Paredes.

O Concello proxecta mellorar alumeados públicos cun investimento de 24.000 euros. Xuntouse con A Pontenova e Trabada para optar a maior subvención da Xunta

Lourenzá, 13 de abril de 2013. A comisión de goberno do Concello de Lourenzá acordou solicitar unha subvención á Xunta de Galicia, concretamente ao Inega, para aforro enerxético. Neste campo o goberno municipal proxecta investir 24.000 euros para mellorar dous alumeados públicos, os de Pedrón e Villapol. Co obxectivo de poder optar a maior porcentaxe de subvención o Concello de Lourenzá xuntouse cos de A Pontenova e Trabada, que entre os tres prevén un investimento total de 73.365 euros.

Lourenzá acollerá mañá, sábado, unha ruta de sendeirismo organizada pola Asociación Pasada das Cabras, de Burela, coa colaboración do Concello

Lourenzá, 12 de abril de 2013. O concelleiro de Deportes e Xuventude, Pablo Maseda, lembrou hoxe que Lourenzá acollerá mañá, sábado, unha ruta de sendeirismo organizada pola asociación Pasada das Cabras, de Burela, coa colaboración do Concello laurentino.

Nace a "Asociación de Senderismo Terras de Lourenzá"

No día de onte naceu unha nova asociación no municipio de Lourenzá. Promovida polo Concello e as Escolas Deportivas, no Salón de Actos do Concello tivo unha xuntanza onde se constituíu a "Asociación de Senderismo Terras de Lourenzá".

O Concello e a Asociación de Comerciantes organizan un certame de narración e debuxo sobre Lourenzá para alumnos de primaria e secundaria da Mariña. A idea xurdiu do propietario da Pastelería Cabaleiros que ademais é o patrocinador

Lourenzá, 5 de abril de 2013. O Concello e a asociación de comerciantes, industriais e autónomos de Lourenzá (Acial) co patrocinio de Pastelería Cabaleiros, cuxo propietario é Isidro Rodríguez Loredo, convocan a primeira edición dun certame de narración e debuxo denominado “Lourenzá, arte e historia no camiño”.

A Oficina Municipal de Información Xuvenil tramita ata o día 13 deste mes as solicitudes para os campamentos de verán da Xunta

Lourenzá, 5 de abril de 2013. A Oficina Municipal de Información Xuvenil (OMIX) de Lourenzá, que está situada nas dependencias da Biblioteca Pública Municipal "Juana de Ibarbourou", tramita ata o día 13 deste mes de abril as solicitudes de todos aqueles rapaces e rapazas interesados en participar nos Campamentos de Verán que organiza a Xunta de Galicia a través da Dirección Xeral de Xuventude e Voluntariado.

Campamentos de Verán que organiza a Xunta de Galicia a través da Dirección Xeral de Xuventude e Voluntariado

Dende a OMIX de Lourenzá (Oficina Municipal de Información Xuvenil; situada nas dependencias da Biblioteca Pública Municipal "Juana de Ibarbourou"), tramítanse ata o día 13 de abril as solicitudes de todos aqueles rapaces/as, interesados en participar nos Campamentos de Verán que organiza a Xunta de Galicia a través da Dirección Xeral de Xuventude e Voluntariado. Se estás interesado/a, infórmate en horario de 17 a 20h ou no teléfono 982 12 15 52 (no mesmo horario).