A Alcaldesa viaxou a Portugal para ver plantacións de castaños e sistemas de recollida e comercialización do seu froito “en busca de alternativas para xerar riqueza e man de obra para o concello”
Lourenzá, 3 de decembro de 2012. A alcaldesa de Lourenzá, Emma Álvarez Chao, participou nunha viaxe a Portugal organizada polo Concello de Palas de Rei para ver plantacións de castaños e a recollida do seu froito a semana pasada e hoxe explicou que “o motivo de ir eu nesta viaxe foi continuación dunha charla que tivemos no mes de novembro aquí no concello, que foi impartida polo secretario da Indicación Xeográfica Protexida (IXP) Castaña de Galicia en busca de alternativas que poidan xerar riqueza e tamén man de obra no noso concello”.