Novas

A “Asociación Sociocultural Mariña Patrimonio” organizou o pasado sábado un roteiro polo patrimonio civil e relixioso de Lourenzá en colaboración co Concello e os responsables parroquiais.

Esta actividade consistiu na visita cultural ás igrexas parroquiais de San Xurxo, Santo Tomé e Santo Adrao, ao Pazo de Tovar e ó Mosteiro de San Salvador, rematando a xornada nun pequeño paseo por algún dos recunchos con máis encanto da vila.

Lourenzá, 24 de xullo de 2018. Nestes días iniciáronse os traballos de mellora en varias beirarrúas do casco urbano de Lourenzá. Para a realización destas obras o Concello asinou un convenio coa Deputación Provincial de Lugo, que fará unha achega de 40.000 euros.

Lourenzá, 20 de xullo de 2018. A corporación municipal de Lourenzá celebrou un pleno onte, xoves, sesión na que tomou posesión a concelleira socialista Ana Belén Martínez Fernández.

Sobre a nova edil, a alcaldesa, Rocío López García, destacou “o seu compromiso e traballo a prol dos veciños e veciñas deste municipio”.

A Concellería de Cultura convoca a segunda edición do Certame de Teatro Afeccionado Concello de Lourenzá, que inclúe novidades nos premios.

O concelleiro de Cultura, Manuel Arango, anuncia que “as bases están publicadas na páxina web do Concello e o prazo para que as compañías se inscriban remata o 28 de setembro. As representacións desenvolveranse durante o mes de novembro e o certame rematará cunha gala de entrega de premios que terá lugar en decembro”.

A alcaldesa de Lourenzá, Rocío López, e o concelleiro de Cultura, Manuel Arango, recibiron este mediodía na Casa do Concello ás presidentas das sociedades Hijos de Lorenzana en Cuba e Bos Aires, María Isabel Iglesias Llano e Josefina Rodríguez Rodríguez, respectivamente. A rexedora transmitiulles o seu agradecemento polo traballo constante e a colaboración que desde sempre tiveron por e para o municipio. Rocío López subliñou que o motivo deste acto é seguir mantendo vivos os vínculos entre Lourenzá, Cuba e Arxentina.

O pazo de Tovar acollerá este sábado, día 14, a partir das 17:30 horas a segunda edición da Festa Campesiña, evento que organiza o Concello de Lourenzá e no que colaboran varias asociacións do municipio e a Deputación Provincial de Lugo. O cartel do festexo foi presentado pola alcaldesa, Rocío López, e a concelleira Mercedes Dengra.

Lourenzá, 28 de xuño de 2018. O Concello de Lourenzá organiza do 9 ao 30 de xullo uns obradoiros dirixidos a nenos e nenas nados entre os anos 2004 e 2010. Esta actividade titúlase Coñece o teu concello!

O Concello de Lourenzá colabora co CEIP Juan Rey na súa festa fin de curso, cunha función de monicreques. Será mañá, xoves, día 21.

O concelleiro de Cultura, Manuel Arango, explicou que “dentro da programación de fin de curso do colexio laurentino a compañía Títeres Alakrán representará a obra Circo Galaico”.

A alcaldesa de Lourenzá, Rocío López, e o concelleiro de Cultura, Manuel Arango, foron os encargados de entregar os premios da terceira edición do Campionato de Parchís Concello de Lourenzá.

A parella gañadora foi a formada por Josefa Sante Fernández e Piedad Sanmartín Balsa. As subcampioas foron Berta Lagarón Debén e Ángela María Braña Gutiérrez. Os trofeos que recibiron son obra da fundación Eu Son, de Burela.

Despois do espectáculo vivido o ano pasado coa nosa primeira edición, xa temos aquí a II Milla Urbana Popular Concello de Lourenzá que volverá a vestir as rúas de Lourenzá de deporte.

En plena temporada estival, o domingo 26 de Agosto durante toda a mañá sucederanse carreiras que enmarcan a todas as categorías (dende pitufos ata veteráns) para que todo o mundo poda participar e disfrutar!!!