Lourenzá, 8 de xaneiro de 2013. A traballadora social do Concello de Lourenzá tramita as solicitudes dos veciños do municipio que queiran participar no programa de termalismo do Imserso.
Lourenzá, 07 de xaneiro de 2013. Vilanova de Lourenzá acolleu hoxe actos de homenaxe a Francisco Fernández del Riego, o ilustre intelectual que foi o primeiro fillo predilecto do municipio, onde naceu fai hoxe 100 anos.
Lourenzá, 4 de xaneiro de 2013. Mañá, sábado, celebrarase en Lourenzá a cabalgata dos Reis Magos, que nesta ocasión percorrerá todas as parroquias do concello desde as catro da tarde.
Lourenzá, 3 de xaneiro de 2013. O Concello de Lourenzá organizará durante este ano 2013 diferentes actos para conmemorar o centenario do nacemento do ilustre intelectual Francisco Fernández del Riego, que se cumpre o vindeiro luns, día 7 de xaneiro. Con este motivo ese día haberá varias actividades, que anunciou hoxe a alcaldesa Emma Álvarez Chao.
Debido a que toda a xente interesada en asistir á representación teatral "Menciñeiro á Forza" non puido asistir, xa que o espazo era insuficiente, a Asociación Conde Santo decide representala de novo o domingo 6 de Xaneiro ás 18:30 no salón de actos do concello.
Lourenzá, 28 de decembro de 2012. Cos votos a favor do PP e abstención dos partidos da oposición foron aprobados os presupostos municipais de 2013 que ascenden a 1.700.000 euros. Os orzamentos sofren un incremento do 3’76% con respecto aos deste ano “debido á subvención que nos foi concedida para rehabilitar o Pazo de Tovar”, segundo lembrou esta mañá a alcaldesa, Emma Álvarez.
Un grupo de nenos e nenas de Lourenzá participaron esta semana do 26 ao 28 de decembro nos obradoiros de nadal que organizou a Concellería de Educación, Cultura e Turismo para eles. Os rapaces fan abelorios, realizan coreografías e playbacks, e participan en xogos de mesa e de interior nas dependencias da Casa da Xuventude en horario de mañá e de tarde. Os obradoiros seguirán os días 2, 3 e 4 de xaneiro para entreter aos máis pequenos da casa durante estas festas de nadal.
Lourenzá, 26 de decembro de 2012. O vindeiro venres, 28 de decembro, ás 12 da mañá nun pleno extraordinario someteránse a aprobación os presupostos municipais para 2013 que ascenden a 1.700.000 euros, un 3'76% máis que os deste ano. En palabras da alcaldesa, Emma Álvarez, trátase duns orzamentos realistas, responsables, rigorosos e austeros, que tentarán atender as necesidades básicas dos veciños e das veciñas de Lourenzá.
Lourenzá, 21 de decembro de 2012. A Concellería de Educación, Cultura e Turismo de Lourenzá acaba de facer pública a programación de actividades para as vindeiras datas de Nadal. Entre os actos previstos destaca a visita de Papá Noel hoxe e o domingo e a Cabalgata dos Reis Magos, que nesta ocasión percorrerá todas as parroquias do municipio.
Lourenzá, 23 de decembro de 2012. Esta mañá rematou a campaña de mercados dominicais de faba en Lourenzá, aínda que hoxe non houbo ventas pola falla de compradores e a asistencia de vendedores foi escasa. Durante este ano vendéronse 51.801 kilos, un 52 por cento menos que no ano 2011 e os prezos oscilaron entre os 3,8 e os 5 euros o kilo. Este datos foron dados a coñecer pola alcaldesa, Emma Álvarez Chao, quen considera que demostran a necesidade de crear unha cooperativa para mellorar a comercialización do produto.
Galego
Español