O recinto feiral de Vilanova de Lourenzá acollerá este domingo, día 10 de outubro, concursos morfolóxicos, exposición e carreiras de cabalos de pura raza galega. Estas actividades están organizadas polo Concello de Lourenzá en colaboración coa Asociación de Criadores de Cabalo de Pura Raza Galega (PURAGA).
O Concello de Lourenzá organiza actividades de ximnasia de mantemento dentro do programa de dinamización nas parroquias. Esta iniciativa da Concellería de Deportes comezará o 13 de outubro e desenvolverase ata decembro.
A concelleira de Deportes, Sonia Gavino, anuncia que “o 13 de outubro comezarán as actividades, que se van a impartir durante os meses de outubro, novembro e decembro deste ano. Serán totalmente gratuítas, farase en grupos reducidos (máximo 10 persoas) e con mascarilla obrigatoria”.
Os concertos de Xabier Díaz & Adufeiras de Salitre que estaban programados para mañá, sábado, 2 de outubro, en Lourenzá, concretamente no claustro do mosteiro de San Salvador, foron suspendidos ante a previsión de mal tempo.
O Concello de Lourenzá asinou hoxe, mércores, un convenio co Bispado de Mondoñedo-Ferrol para rehabilitar o mosteiro de San Salvador cunha subvención concedida polo Goberno central.
O Concello laurentino organiza do 1 ao 3 de outubro unhas xornadas para lembrar a Festa da Faba de Lourenzá que se celebraba antes da pandemia. As actividades foron presentadas hoxe, venres, pola alcaldesa, Rocío López, e o concelleiro de Cultura, Manuel Arango.
A Casa do Concello de Lourenzá acolleu a presentación da mostra itinerante “Aquela nena de Sarria”, un proxecto desenvolvido polo Colectivo Egeria para dar a coñecer a figura de Xela Arias, a quen se dedica este ano o Día das Letras Galegas, e que conta co patrocinio da Consellería de Cultura, Educación e Universidade da Xunta de Galicia, e a colaboración do Concello de Sarria e a Real Academia Galega.
Vilanova de Lourenzá acollerá este venres, día 24, a exposición Kinético de Xirapaus. O concelleiro de Cultura laurentino, Manuel Arango, anuncia que esta mostra estará pola mañá no CEIP Juan Rey e pola tarde na praza do Conde Santo, se as condicións meteorolóxicas o permiten.
FORMALIZADO O CONTRATO DE OBRAS PARA "MELLORA DE VÍAS MUNICIPAIS: ESTRADA DE MASMA-PENA-TIAGONCE, PISTA POUSADA, REGO VILAZO E ENTORNO DA FEIRA VELLA" (PLAN ÚNICO 2021)
Con data 7 de setembro de 2021 formalizouse o contrato de obras entre o Concello de Lourenzá e D. Isidro Otero Bello en representación de Construcciones Isidro Otero S.L., para a que se concedeu unha subvención pola Excma. Deputación Provincial de Lugo a través de Plan Único do exercicio do 2021.
A Escola de Música de Lourenzá acaba de abrir o prazo de matrícula para o curso 2021-22. Os interesados en inscribirse deben dirixirse ás instalacións do centro, que están na Casa da Xuventude, ou a través do correo electrónico bandademusicadelourenza@gmail.com.
O Mago Antón actuará en Lourenzá este domingo, día 5. Será no seu vehículo con escenario, que se instalará na praza César Chavarría para presentar A volta a Galicia en 313 concellos.
As entradas son gratuítas e haberá funcións ás 12:00, 13:00, 17:00, 18:00, 19:00, 20:00 e 21:00 horas.
Galego
Español