Novas

Novas do Concello

UNHA UNIDADE MÓBIL DE INSPECCIÓN TÉCNICA DE VEHÍCULOS AGRÍCOLAS ESTARÁ EN LOURENZÁ DO 21 AO 26 DE SETEMBRO.

Lourenzá, 13 de setembro de 2017. A alcaldesa de Lourenzá, Rocío López García, ven de editar un bando no que anuncia que unha unidade móbil de inspección técnica de vehículos agrícolas estará na localidade entre os días 21 e 26 deste mes de setembro, situada no Mercado Comarcal Gandeiro.

Rocío López, indica neste bando que “a unidade móbil 4 de inspección técnica de vehículos agrícolas desprazarase ao Concello de Lourenzá nas datas do 21 / 9 / 2017 ao 26 / 9 / 2017 e situarase no Mercado Comarcal Gandeiro de Lourenzá”.

HOXE FOI PRESENTADO O CARTEL DA XXVII EDICIÓN DA FESTA DA FABA DE LOURENZÁ, QUE FOI ELABORADO POLO LAURENTINO IGNACIO CASTRO, COÑECIDO ARTISTICAMENTE COMO NACHOK. PARA EL ESTE ENCARGO FOI UNHA HONRA E UN DESAFÍO.

Lourenzá, 12 de setembro de 2017. Hoxe, martes, foi presentado o cartel da XXVII edición da Festa da Faba de Lourenzá, que foi elaborado polo laurentino Ignacio Castro, coñecido artísticamente como Nachok. Para el este encargo foi unha honra e un desafío.

O CONCELLO DE LOURENZÁ ABRE ESTE VENRES O PRAZO PARA A OBTENCIÓN DO NOVO CARNÉ DE FABEIRO, OBRIGATORIO PARA VENDER NOS MERCADOS DOMINICAIS QUE EMPEZARÁN O DÍA 24 DESTE MES

Lourenzá, 11 de setembro de 2017. A alcaldesa de Lourenzá, Rocío López García, ven de editar un bando no que advirte da necesidade de que os produtores teñan o carné de fabeiro para vender nos mercados dominicais da faba que darán comezo o vindeiro día 24. O prazo para a renovación deste carné abrangue do día 15 ao 29 deste mes de setembro e os produtores deben solicitalo na Casa do Concello en horario de 08:30 a 14:00 horas.

A CONCELLERÍA DE XUVENTUDE ORGANIZA UN TALLER GRATUÍTO DE COACHING QUE COMEZARÁ NESTE MES DE SETEMBRO. O PRAZO PARA INSCRIBIRSE REMATA O DÍA 18.

Lourenzá, 8 de setembro de 2017. O Concello de Lourenzá, a través da Delegación Municipal de Xuventude, organiza un taller gratuíto de coaching que comezará neste mes de setembro e terá unha duración de 35 horas. O prazo para inscribirse está aberto e rematará o día 18.

Trátase dun taller gratuíto destinado a mozos de 16 a 29 anos de idade no que se impartirán técnicas de motivación para a busca de emprego, comunicación e habilidades.

O Maderas Barcia Lourenzá asalta a Praza Conde Santo. A sección de atletismo e duatlon presentada oficialmente!!! Olga Vicente e Juan Luís Méndez incorpóranse ó corpo técnico!!!

As balas invadiron literalmente o Cantón no día de onte. Acostumados a discorrer a velocidade de vértigo, onte fixeron unha parada para fotografiarse co principal patrocinador Maderas Barcia.

Estiveron presentes presidindo o acto a nosa alcaldesa Dª. Rocío López e o noso presi D. Pablo Maseda así como Javier Barcia, patrocinador da sección.

As cadetes presentan a faba na súa mellor versión: Terras da Mariña Lourenzá Cadete 2017/2018. Go!!!

Coa presencia da nosa alcaldesa Dª. Rocío López e do noso Presidente D. Pablo Maseda, o equipo cadete Terras da Mariña Lourenzá que competirá esta temporada en liga provincial presentouse oficialmente. Baixo a dirección de Mariano De La Torre e a axuda de Laura Fdez. bota a andar este novo equipo que seguirá contando un ano máis co patrocinio da cooperativa do ano premiada recentemente, TERRAS DA MARIÑA. Moitas gracias por seguir confiando en nós e moita sorte a éste equipo que levará o noso nome unha nova tempada!!!

Títulos a pares dos atletas do Maderas Barcia Lourenzá na nocturna Rinlo-Ribadeo. Triunfos de Carlota Menéndez, Pedro Moirón, Sara Otero, Iria Rguez e Ainara Rguez. con 11 pódiums en total!!!

Resultados:

Pitufos Feminino: 1- Carlota Menéndez.

Prebenxamín Masculino: 1- Pedro Moirón. 3- Leo Martínez. 7- Xoel Nonide. 8-David Díaz.

Prebenxamín Feminino: 1- Sara Otero. 3-Manuela Lastra

Benxamín Masculino: 2- Iago Longarela

Benxamín Feminino: 7- Andrea García

Alevín Feminino: 1-Iria Rguez

Distribuir contido